ТАН МЕНЕН ОКРОШКА (6 ПОРЦИЯ)

«Дүкөндө кезекте тургам. Сатуучунун таанышы көрүнөт, бир жаш кыз «Тан» менен окрошка жасоонун рецептин сурап жатат. Сатуучу эжеке да азыктарды пакетке салып, акча кайтарымын берип жатып шилекейди агыза даамдуу кылып айтып жатат. «Айран менен жасаса болобу?» деп сураса, «болот, бирок баарыбир Тан менен жасаганга жетпейт» деп коёт. Саарлап күн өтө ысык болчу. Үйгө бара калып, муздак окрошка жасап жибергим келди.

***

Окрошканын рецептин бизге жазып жиберишпептир. Биз өзүбүздүн рецептти сунуштайбыз. Өтө жөнөкөй:

1. 4 даана кайнатылган жумуртка

2. 400 г колбаса

3. 3 даана орточо картошка

4. 4 даана орточо бадыраң

5. Бир тутам пияз жана укроп (ашкөк)

6. 2 л Тан

Даамына жараша туз.